Familia estimatuak:
2019/2020 ikasturtea amaitzen ari da eta eskerrak eman nahi dizkizuegu guztioi Musika Eskolarekiko erakutsi duzuen konfiantzagatik: klase birtualetan parte hartu duzue, eskatu dizuegun kontu guztietan lagundu diguzue eta datorren ikasturterako matrikulazioa egin duzue.
Dena prestatzen ari gara irailean indarberrituta eta proiektu berriekin hasteko: talde txikiagoak egingo dira eta ikasle zein irakasleen segurtasuna bermatzeko behar diren neurri guztiak hartuko dira.
2020/2021 ikasturtea irailaren 14an hasiko da eta lehenengo egunetan guztioi –guraso zein ikasleei- azalduko dizkizuegu Musika Eskolaren protokolo berriak.
Besterik gabe, agur esaten dizuegu irailera arte txistu taldearen bideo honekin, Trapagarango Musika Eskola osatzen dugun komunitate osoari eskaintzen dioguna: irakasle, ikasle eta Jauregian lanean ari diren irakaskuntzakoak ez diren langileei:
"WE ARE THE CHAMPIONS!!!"
No hay comentarios:
Publicar un comentario